Contoh teks pidato perpisahan siswa murid SD dalam bahasa daerah sunda lengkap

 Dibawah ini adalah salah satu Contoh teks pidato perpisahan siswa murid SD dalam BAHASA SUNDA lengkap..

Silahkan jika teman-teman membutuhkan tinggal Copypaste aja..

Assalamu'alaikum wr.wb...

      Bismillah Alhamdulillah Wasolatu wassalammu ala Rosulillah wa alihi wasohbihi mawalah

ama ba’du,

Solawat miwah salam salamina dicurahkeun ka jungjunan urang sadayana yakni habibana

wanabiyana Muhammad SAW, kalih keluargina, para sahabatna sareng sadaya umatna anu

sami patuh sareng taat kana ajaran mantena dugi ka akhir jaman.

Mugia urang sadayana kalebet umat anu kenging sapa’attul uzma di dintenna kanalangsaan,

Aamiin yaa Robbal’alamin..

      Tipayun hayu urang sami-sami sanggakeun puji sinareng syukur ka Alloh Ilahi Robbi ku kudrat

irodat mantenna, Alhamdulillah wasyukurillah dina danget ieu urang sadayana parantos tiasa riung

mungpulung di tempat anu sami dina raraga nyakseni upacara paturay tineung kalayan aya dina

ginanjar kawilujengan, sehat wal’afiat, wireh simkuring saparakanca bade ngantunkeun ieu sakola

sabada tamat diajar 6 taun.

     Ibu kepala sakola nu simkuring di pihormat

     Ibu wali kelas 6 kalih bapa ibu guru sadayana nu ku simkuring di pihormat miwah hadirin

sadayana nu ku simkuring di pihornat,

      Bapak kalih Ibu hadirin hormateun simkuring, mungguh ari waktu asa nyeak pisan sajorelat,

Asa kamari keneh simkuring saparakanca munggaran leubet ka ieu sakola ayeuna tos kedah

paturay deui. Simkuring saparakanca kedah miang deui neraskeun sakola, ngahontal harepan

sareng cita-cita.

      Kantenan bae salami genep tahun diajar di ieu sakola seueur pisan anu bakal janten

panineungan. 

Didieu, di sakola urang nu geunah pikabetaheun, simkuring saparakanca diajar neangan elmu,

      Ruang riung boh di sakolaan dina rupa-rupa kegiatan bari sakapeung sempal guyon

gogonjakan sareng rerencangan,

      Tangtos bae eta sadayana bakal janten panineungan nu moal ka hilapkeun,

Atuh kasaean bapak kalih ibu guru sadayana, elmu pangaweruhna nu didugikeun ka simkuring

saparakanca tangtos bakal nyerep dina angen, janten obor nu nyaangan jalan sorangeun,

      Bapak kalih ibu guru sadayana, salami simkuring saparakanca diajar di ieu sakola tangtosna

seueur pisan kalepatan, sikap sareng paripolah anu tangtos tiasa janten ngaraheutkeun manah

ka sadayana,

      Jalaran kitu, ngawakilan rerencangan sadayana, dina danget ieu sim kuring neda

dihapunteun, mugi jembar hapuntenna kana samudaya kalepatan sareng kahilapan.

      Pamungkas, neda pidu’a ti sadayana pamugi simkuring saparakanca nu lulus taun ieu sing

tiasa neuraskeun tolabul ilmi nyiar elmu pangaweruh lungsur langsar teu aya halangan harungan

nyukcruk elmu di tingkat nu langkung luhur,

      Rupina sakitu nu kapihatur, bilih aya basa nu kirang merenah, kecap nu kirang larap, bilih

aya kalimah nu teu sapagodos kana manah neda di hapuntenna,

Pileuleuyan, pileuleuyan, pileuleuyan..

      Wabillahi taufik wal hidayah,

      Wassalamu’alaikum Wr. Wb..

Selesai...